မိုးရွာသော...တစ်နေ့... မန္တလေးပုံရိပ်

ဒီနေ့ မန္တလေးမှာ မနက်တည်းက မိုးရွာနေတာ နေ့လည်ထိမတိတ်သေးဖူး…။ ထုံးစံ အတိုင်း မန်းလေးက လမ်းမတွေက မိုးလေးနည်းနည်း ရွာလိုက်တာနဲ့ ရေပြင်ကြီးတွေ ဖြစ်ကုန်ရော…။ လမ်းမတွေမှာလည်း ဆိုင်ကယ်ပျက်လို့ တွန်းလာတဲ့သူတွေ၊ ကားတွေ စက်ရပ်ကုန်လို့ လမ်းဘေးမှာ ရပ်ထားရတာတွေ အဲဒီ မြင်ကွင်းကတော့ မရိုးနိုင်ပါဖူး…။ ဒါပေမယ့်လည်း မန်းလေးကနေ ဝေးနေတဲ့ သူငယ်ချင်းတွေ အတွက် အမှတ်တရ မန်းလေးပုံရိပ် တွေထဲက မိုးတွင်းပုံရိပ်တစ်ခုကို သတိတရနဲ့ ဒီ post လေး တင်ပေးလိုက်ပါတယ်…။ သူတို့တွေလဲ ဒီလို ဆိုင်ကယ်ပျက်၊ ကားပျက်တွေ ကြုံဖူးကြမှာ မလွဲဧကန်ဘဲ…။ ဟဲ…ဟဲ… သိနေတယ်လေ…သိနေတယ်….။ အခုထိ မိုးကမတိတ်သေးဖူး ။ မိုးမျက်နှာမော့ ကြည့်လိုက်တော့ ညနေထိရွာနေအုံးမယ့် ပုံပဲ…။ ပျော်လိုက်တာ… ညနေထိရွာရင်တော့ သင်တန်းကို ခွင့်တိုင်စရာမလိုဘဲ.. Automatic ပျက်လို့ရပီ… ဟီ…ဟိ…။ ဒါပေမယ့်လည်း မိုးမစဲတော့ လမ်းမပေါ် ကားတစ်စီးလောက်များ ဖြတ်သွားရင် ရေလှိုင်းလုံးကြီးတွေက အိမ်ထဲကို လှိမ့်ဝင်လာပုံများ ချောင်းသာရောက် နေတဲ့အတိုင်းပဲ... :( ။

မိုးကြီးပြီး လေမကြီးပေမယ့် အိမ်ရှေ့ကသစ်ပင်ကြီး မိုးဒဏ်မခံနိုင်လို့ လမ်းမပေါ် လဲပြိုကြရှာလေရဲ့။ တော်ပါသေးရဲ့ လူတွေ၊ ဆိုင်ကယ်တွေ၊ ကားတွေမထိလို့။

လမ်းလျှောက်သွားတဲ့ သူတွေကလည်း ရေတွေလွှမ်းလို့ စင်္ကြန်လမ်းပျောက်သွားတော့ လမ်းမပေါ်တက် လျှောက်နေရတယ်..။ ဘူတာကြီးရှေ့တစ်လျှောက်လုံး ရေပြင်ကြီး ဖြစ်လို့နေတယ်..။

ခေါင်းရွက်ဈေးသည်တွေလည်း မိုးရွာကြီးထဲမှာ သမုဒ္ဒရာဝမ်းတစ်ထွာအတွက် မနားရရှာဖူး..။

Read More...

Collapse...

တစ်ခါပြုံးရင် အသက်တစ်ရက်ရှည်၏..

အဖေက ကျွန်တော့်ကို နိုက်ကလပ်တွေမသွားဖို့ ၊ မလုံ့တလုံ ၀တ်ထားတဲ့ ဖက်ရှင်ရှိုးတွေ သွားမကြည့်ဖို့ အမြဲပြောပါတယိ။ အဖေ့စကားနားမထောင်ဘဲ အဲလိုနေရာတွေ သွားရင် မမြင်သင့်တာတွေ မြင်တတ်တယ်လို့ အဖေကပြောပါတယ်။ လူငယ်ဆိုတော့လဲ မသွားနဲ့ဆိုမှ သွားကြည့်ချင်လာတယ်။ ဒါနဲ့ပဲ တစ်ခါမှ မရောက်ဖူးတဲ့ ကျွန်တော်က တစ်ရက်မှာ အဖေမသိအောင် တိတ်တိတ်လေး လက်မှတ်ဝယ်ပြီး သွားခဲ့တယ်။ ၀င်ဝင်ချင်းပဲ မမြင်သင့်တာကို မြင်ခဲ့တယ်။ အဲဒါ ကျွန်တော့် " အဖေ " ကိုလေ...........။

---------- * ----------- * ---------- * ----------- * ---------- * ----------- * ---------- * ---

တခါက ပညာရေးဝန်ကြီး တစ်ဦးဟာ ကျောင်းတစ်ကျောင်းကို ကြည့်ရှုစစ်ဆေးဖို့ သွားရောက်ခဲ့တယ်။ အတန်းတစ်တန်းထဲ ၀င်ကြည့်တော့ အခန်းထဲမှာ ကမ္ဘာလုံးတစ်လုံး တင်ထားတာတွေ့လို့ ကျောင်းသားတစ်ယောက်ကို ခေါ်ပြီး ... " ဒီကမ္ဘာကြီးဟာ ဘာလို့ ၂၃ နှစ်ပိုင်းတစ်ပိုင်း ဒီဂရီ တိမ်းစောင်းနေသလဲ " လို့ မေးလိုက်တယ်။ အမေးခံရတဲ့ ကျောင်းသားက ပျာပျာသလဲ " ကျွန်တော်လုပ်တာ မဟုတ်ဖူး... " လို့ပြန်ဖြေတယ်။ ပညာရေးဝန်ကြီးက နောက်ထပ်ဝင်လာတဲ့ ကျောင်းသားတစ်ဦးကို ထပ်မေးလိုက်ပြန်တယ်။ အဲဒီ ကျောင်းသားကလဲ လက်ကာပြပြီး .. " ကျွန်တော် အခုမှဝင်လာတာ.... ကျွန်တော်လုပ်တာ မဟုတ်ဖူး " လို့ဖြေပြန်တယ။ ဒါနဲ့ ပည်ရေးဝန်ကြီးက ဆရာဖက်လှည့်ပြီး " ဒါဘယ်လို ဖြစ်ရတာလဲ " လို့ ( ဆရာက တပည့်တွေကို ဘယ်လို သင်ခဲ့သလဲ ဆိုတဲ့ပုံစံနဲ့ ) မေးလိုက်တယ်..။ ဆရာက တောင်းပန်တဲ့ လေသံနဲ့ " သူတိုိ့ကု အပြစ်တင်လို့ မရဘူး .. ဒီကမ္ဘာလုံးက ၀ယ်လာတည်းက ၂၃ နှစ်ပိုင်းတစ်ပိုင်းဒီဂရီ တိမ်းစောင်းနေတာပါ " လို့ပြန်ဖြေတယ်။ ပညာရေးဝန်ကြီးက ခရမ်းချဉ်သီးလို ပေါက်ကွဲတော့မယ့် မျက်နှာနဲ့ ကျောင်းအုပ်ဖက် လှည့်ကြည့်လိုက်တယ် ဆိုရင်ပဲ ကျောင်းအုပ်ကြီးက " ပြောရမှာ အားတော့နာတယ်... ကျောင်းက ရန်ပုံငွေ အခက်အခဲ ဖြစ်နေလို့ ဒီကမ္ဘာလုံးကို လမ်းဘေးဈေးမှာ ၀ယ်ခဲ့လို့ အခုလို တိမ်းစောင်းနေတာပါ " လို့ပြန်ဖြေလိုက်တောသတည်းးးးးး.........

---------- * ----------- * ---------- * ----------- * ---------- * ----------- * ---------- * ---

ဖခင်..... " သားမှာ မတတ်တာ ဘာတွေရှိလဲ ဖေ့ဖေ့ကိုပြော "။
သား ..... " ဒီကမ္ဘာမှာ သားမတတ်တာ ၂ ခုရှိတယ် ဖေဖေ.."
ထိုအခါ ဖခင်ဖြစ်သူက ၀မ်းသာအားရဖြင့်
ဖခင်..... " ဟေ... ငါ့သား တယ်တော်ပါလား... ဘယ် ၂ ခုမတတ်တာလဲ။"
သား ..... " သား " ဒီဟာ" လဲမတတ်ဘူး "ဟိုဟာ" လဲမတတ်ဘူး "
ဖခင် ..... " +-*/*%^%^**)(*^*%* "

တစ်ခါပြုံးရင် အသက်တစ်ရက်ရှည်၏..

မှတ်ချက်။ ။ ဒီဟာသလေးတွေကို ဖတ်မိပြီး သဘောကျလို့ ပြန်မျှဝေလိုက်ပါ T ..... :P

---------- * ----------- * ---------- * ----------- * ---------- * ----------- * ---------- * ---

Read More...

Collapse...

ခဲပန်းချီအကြောင်း အပိုင်း ( ၆ )

ကဲ ဒီတစ်ခေါက်တော့ Stroke ကောင်းကောင်းဆွဲထားတဲ့ ပုံနဲ့ မကောင်းတဲ့ပုံ နှစ်ပုံကို ယှဉ်ပြလိုက်ရင် ၊ ပုံတစ်ပုံကို မြင်ရတဲ့အမြင်ခြင်း ၊ ခံစားရတဲ့ အရသာ ခြင်းစီလည်း ကွဲပြားမှုကို တွေ့ရလိမ့်မယ်။ ပထမပုံကတော့ ရုပ်ထုကို Live ကြည့်ဆွဲထားတာ။ ကိုယ့်ဘက်က မြင်ရတဲ့ အမြင်ကိုဆွဲ ပြီးတော့ Tone ကို ကိုယ့်စိတ်ကြိုက် ဖြည့်ရတာ။ အဲဒီလိုဖြည့်ရတော့ ဘယ်နေရာတွေမှာ Tone အမြင့်ဆုံးခြယ်သင့်တယ်၊ ဘယ်လိုနေရာတွေမှာ လျှော့သင့်တယ်ဆိုတာ ကိုယ်ပိုင်ဆုံးဖြတ်ချက်နဲ့ မလုပ်တတ်တော့ ပုံရဲ့အရသာပျက်ကရောပဲ။… ပါးရိုးပေါ်ပေါ် ၊ မေးရိုးထင်းထင်း ၊ ချွန်းနေတဲ့ နှာခေါင်း နဲ့ မျက်နှာရဲ့အနေအထားလေးတွေ ဘာတစ်ခုမှ ပေါ်လွင်အောင် ဆွဲမပြနိုင်ဘူး။ ဒါပေမယ့် Teacher “ ပုံတစ်ပုံကို ရုပ်လုံးပေါ်အောင် ဖန်းနိုင်တယ်။ အစပိုင်းဆိုတော့ ဒီလောက်တော့ ရှိတာပေါ့ ” တဲ့။ အင်း… ဒါတော့လဲဟုတ်တာပဲ .. ။ စာရွက်အလွတ်ကြီးကိုကိုင် ၊ ရှေ့မှာချထားတဲ့ ပန်းပုရုပ်ထုကြီးကိုကြည့်ပြီး ဘယ်ကစဆွဲရမှန်းမသိ ဖြစ်နေတာ။ နောက်ဆုံးတော့ အနီးစပ်ဆုံးတူတဲ့ ပုံတစ်ပုံတော့ ထွက်လာသားပဲလို့ ကိုယ့်ကိုကိုယ်တောင် အားပေးလိုက်သေးတယ်။ Teacher ကလည်း အပြင်မှာတွေ့ရတဲ့ အရာကို ဘယ်လိုစိတ်မှန်းနဲ့ တိုင်းထွာပြီး ဆွဲရတယ်ဆိုတာ သင်ပေးခဲ့တယ်။
အဲဒါနဲ့ပဲ လေ့ကျင့်ရမယ့် စာအုပ်ထဲက ပုံတစ်ပုံကိုပေးတယ်။ အားးပါးး… ဆွဲထားတာတော့ အရမ်းလက်ရာမြောက်တယ်။ Teacher ကပြောတယ် “ အဲဒါ ဆရာတွေကိုယ်တိုင် ဆွဲထားတာ မဟုတ်ဘူး။ တရုတ်ပြည်က ကျောင်းသားတွေဆွဲထားတဲ့ ပုံတွေကိုစုပြီး စာအုပ်ထုတ်ထားတာ” တဲ့ ။ အသက်ကြီးတဲ့လူတစ်ယောက်ရဲ့ မျက်နှာပေါ်မှာရှိတဲ့ အရေးကြောင်းတွေကို သူမြင်သလိုဆွဲသွားတာ။ အခုဆွဲပြထားတဲ့ ပုံထက် အဆ ၁၀၀ လောက်ကိုကွာတယ်။ ဒီပုံကတော့ နှစ်ကူး က အဲဒီဆွဲထားပြီးသားပုံလေးကို ကြည့်ပြီး ကိုယ်မြင်သလိုပြန်ဆွဲထားတာပါ။
အဲဒီတော့ ပုံနှစ်ကို ယှဉ်ကြည့်လိုက်မယ်ဆိုရင် အရှေ့ပိုင်းတွေတုန်းက ပြောပြောနေတဲ့ Stroke ဆိုတာ ပေါ်လွင်လာလောက်ပါပြီနော်။ Stroke ကောင်းရင် ဆွဲထားတဲ့ပုံလေးက ရုပ်လုံးကြွလာတာပေါ့။

Read More...

Collapse...